Die koshuise bestaan reeds vir langer as 90 jaar.

Ons Meisiekoshuis – Huis Vereniging, bied losies aan 80 dogters, terwyl Huis Oranje, ons seunskoshuis ook 80 seuns kan huisves.
Ons personeel poog om vir ons plattelandse leerders ‘n veilige en huislike atmosfeer te skep waarin hulle geborge sal voel
Ons koshuise bied:
  • Veilige (elektriese omheining) en aangename huisvesting.
  • Opgeleide personeel wat tussen die leerders woon en verseker dat goeie dissipline en Christelike waardes geld.
  • Spyskaarte vir gebalanseerde etes
  • Sport- en skoolgronde is binne ‘n radius van 100m.
  • Bekostigbare losiesgelde.
  • Baie ruimte en ontspanningsfasiliteite.
  • Vasgestelde en verpligte studietye.
  • Vasgestelde tye vir Bybelstudie.
  • Die koshuisgangers se sosiale lewe sluit in: Sokkies, TV, Fliek, ‘af- of dorpmiddae” op Woensdae, en die jaarlikse koshuisafsluiting.
  • Inwoners kan naweke inbly teen ‘n addisionele tarief. Daar is twee verpligte uit-naweke per kwartaal.
Die meisiekoshuis se inwonende koshuisouer is Mev. Christine Esterhuizen. Sy is self ook ‘n onderwyser by Hoërskool Upington. Christine het ‘n passie vir jongmense. Sy het twee dogters van haar eie en speel die rol van ‘moeder van vele dogters’ uitstekend.
Die seunskoshuis se inwonende ouers is Mnr. Jacques Swanepoel en sy vrou Mariëtta. Mnr. Swanepoel is ‘n onderwyser by Hoërskool Upington en rig krieket en rugby af. Mariëtta is die adjunkhoof by ‘n plaaslike laerskool. Mnr. Swanepoel en sy vrou is baie gretig om van Huis Oranje ‘n lekker leefplek te maak. Die atmosfeer is gemaklik binne die raamwerk van dissipline.